Ikastaro honetan Nafarroako kultura ezaugarritzen duten gako eta elementuak emanen dira. Ezagutza beharrezkoa da elkarreragin kultural positiborako eta kulturarteko komunikazio ezinhoberako. Horrek, zalantzarik gabe, balizko gatazka edo talka kulturalak kudeatzen lagunduko digu.
2001eko Aniztasun Kulturalari buruzko Adierazpen Unibertsalean jasotako kulturaren definiziotik abiatuko da: kultura gizarte baten edo talde sozial baten ezaugarri diren bereizgarri espiritual eta materialen, intelektualen eta afektiboen multzotzat hartu behar da, eta barne hartzen ditu, arteez eta letrez gain, bizimoduak, elkarrekin bizitzeko erak, balio-sistemak, tradizioak eta sinesmenak.
Atzerritar jatorriko pertsonei zuzendutako tailerra. Aurreinskripzioan
adierazi beharko ditu gaztelaniaren eta beste hizkuntzen ezagutza-maila,
behar izanez gero Kulturarteko bitartekaritza eta esku-hartze komunitarioko zerbitzuaren bidez, beharrezko bitartekoak jartzeko
saioa garatzeko.
Helburuak
- Nafarroako gizartean elkarrekintza hobeezina ahalbidetuko duten gakoak ematea.
Edukiak
- Zer da kultura
- Nafarroako kultura identifikatzen duten ezaugarriak
- Kultur-elkarreraginerako gakoak
Metodologia
Ikastaroa metodologia parte-hartzailearen bidez emanen da. Kasu praktiko laburren bidez balizko kulturarteko talken adibideak emanen dira eta horiek kudeatzeko modua kultur-gakoak kontuan hartuta.
Ikastaroa beste hizkuntza batzuetan emateko aukera (arabiera, ingelesa…)
Iraupena: 3 ordu (aurrez aurrekoa)
Datak: maiatzak 8
Ordutegia: astelehenean, 17:00 – 20:00
Nork emana: Kulturarteko bitartekaritza eta esku-hartze komunitarioko zerbitzua. Nafarroako Gobernua.
Tokia: 5. Aretoa ZENTRO elkarlaneko gunea (Kondestablearen jauregia), Kale Nagusia 2.
Behin-behineko izen-ematea: maiatzaren 2a arte
Leave A Comment